ما وراء العقل

الحب من اجمل المشاعر الانسانية
وخصوصا لما بيكون باخلاص
لما يكون الحب حقيقي
في حجات في الحب
لا يمكن تتقاس بالعقل
ولو اتقاست بالعقل بيضيع الحب
ويبقى السؤال الصعب دايما على اي حد
ايه هي حدود الحب بين المحبين
ايه الصح وايه الغلط
ايه اللي المفروض نعمله واللي مفروض منعملوش
هنلاقي حجات كتير المفروض ما تتعملش بمقاييس العقل
بس ينفع نقيس الحب بالعقل
ولاالحب حاجه ما وراء العقل
المتحكم الاساسي في الحب هو القلب
والمشاعر والاحاسيس
بس لو سيبنا الامور تتقاس بالعاطفه لوحدها
اكيد هنروح لبعيد وهنروح لسكك غلط كتير
طيب ايه الحل
هنقدر نقف قدام قلوبنا
ولا هنضطر نلغي عقولنا
ولا هنقف تايهين في النص
الاختيار صعب
فكرت كتير في التلاته
مقدرتش امشي كتير ورا عقلي
لاني بحب
غصب عني هيروح مني عقلي
ومقدرتش امشي ورا قلبي
لاني هغلط
بس غلط عن غلط يفرق
اكيد يفرق
احنا مش ملايكه
وربنا بيسامح
ما عدا الاخطاء الكبيرة دي لا خلاف عليها
وفكرت اقف في النص
لقيت اني اصلا مش هقدر احدد ايه هو النص ده
وفين اوله وفين اخره
ماهي كلمه في النص دي كلمه ملهاش حدود
ممكن اخلي اي حاجه في النص
وممكن اخرج برضه اي حاجه بره حدودها
يبقى ايه الحل
الحب في نظري ماهو الا سبيل للسعاده
اللي اي حد بيحلم بيها
لكن لو في حاجه في الحب ده بتسبب لاي من الطرفين الم
يبقى الحب ناقص مش كامل
ومع ذلك في حجات محدش يقدر يلوم حد فيها
لان بتبقى غصب عنه
لكن برضه مهما حاولنا
ومهما قولنا
هيفضل الحب
ما وراء العقل