يــــوم مــن الــحــب

طبيعي جدا اي حد فينا بيتخيل بعد الجواز هيبقى يومه عامل ازاي

وطبيعي برضه ان خيالتنا واحلامنا بتكون ورديه

وخصوصا لما بنكون بنحب

وانا مش بحب وبس

وحلمت كتيراليوم بعد الجواز هيكون ازاي

هصحى من النوم بدري

وهقوم احضر الفطار

كوبايه الشاي مع المولتو اللي رورا بتحبه

وهروح اصحيها من النوم وطبعا

لازم يبقى معايا وردتين ولا حاجه

" اصحي يارورا, ايه الكسل اللي انتي فيه ده "

وطبعا بعد صباح الخير يا حبيبي والكلام ده كله

هنقعد نفطر سوا وبعد كده هنعمل كل حاجه سوا

وهنقعد نفتكر الايام الاولى لحبنا

ايام ما كنا بنحلم سوا

وبنخطط لحياتنا سوا

وبنروح جزيرتناوكانت اجمل أيام في عمرنا

وكنا نفضل نتكلم طول اليوم

ونشوف ازاي كل الاحلام دي بقت حقيقه

وعايشنها دلوقتي في بيتنا

ويعدي اليوم بسرعه

وهو كله حب وسعاده

ونقعد بالليل نفتكر ازاي كان يومنا بننتهي ازاي

لازم قبل ما ننام كان لازم نتصل ببعض

علشان يبقى صوتنا اخر صوت نسمعه

ونفضل نحلم بالجزيرة

اللي هتجمعنا في يوم سوا

وده كان بيبقى احلى ختام

ليوم من الحب